Позната хавајска инфлуенсерка и претприемач за убавина била убиена од сопругот пред очите на нејзината ќерка, кој потоа се самоубил.
Тереза Качуела (33), мајка на три деца и сопственичка на „Хаус оф глам“ во Ваипаху, Хаваи беше застрелана во главата од Џејсон Качуела (44) на паркингот во Центарот Перлиџ, пренесува „КИТВ“.
Нејзината ќерка била сведок на пукањето и на полицијата ѝ кажала дека нејзиниот татко го повлекол чкрапалото, пренесува Локалните медиуми објавија дека девојчето има 6 или 8 години. Џејсон, наводно, се застрелал веднаш откако побегнал од местото на настанот со сив автомобил марка „мазда“.
Полицијата го испитува трагичниот настан, кој се случи две недели откако судијата го одобри барањето на Тереза Качуела за забрана за приближување.
„Ова не беше случаен чин затоа што жртвата и осомничениот беа во врска. „Знаеме дека му е одредена мерка привремена забрана за приближување, поради што овој случај е класифициран како убиство од прв степен“, рече полицискиот поручник Дина Томс.
Мајката на Тереза го опиша трагичното пукање на страницата „Гоуфандми“. Таа рече дека нејзината ќерка, која семејството ја нарекувала Тита, планирала да појадува со неа во петок наутро.
„Сакав да и подарам божиќни подароци на неа и на моите внуци. Мојата ќерка не го заслужи ова. Толку се трудеше да добие помош, но правосудниот систем не успеа“, напиша нејзината мајка Ани-Нихоа.
Ани-Нихоа рече дека нејзината ќерка им кажала на роднините дека нејзиниот сопруг ја малтретирал и поднела забрана за приближување поради неговото континуирано малтретирање и следењe.
„Таа сакаше да го остави, но тој не прифати. Се обидуваше да ја контролира во сè… Каде ќе оди, што ќе прави“, рекла таа и додала дека нејзината ќерка неодамна поднела барање за развод.
Во деновите пред убиството, Џејсон постојано се заканувал дека ќе изврши самоубиство. Нему му беше дозволено да стапи во контакт со Тереза Качуела само за старателство над детето.
Неговиот адвокат тврди дека убиецот никогаш не им се заканувал на Тереза и на децата со насилство, тој изјавил дека двајцата сопружници се согласиле Џејсон да ги посетува децата.
Тој рече дека наредбата за приближување била донесена за да се спречи Џејсон Качуела да се самоубие и дека договорил психолошка проценка пред парот да се согласи со условите на наредбата за привремена забрана.
Мајката на убиената рече дека пукањето можело да се спречи доколку посериозно се сфателе барањата на нејзината ќерка за полициска помош.
