– Под влијание на влажен и МНОГУ ПОСТУДЕН воздух од север, како што најавивме, ќе го донесе првиот снег и на пониските места и тоа особено утре и во понеделник, особено во западните предели каде се очекува на повисоките места и на планините формирање на снежна покривка од над 15 цм, додека во населените места (градовите) понекаде ќе се формира снежна покривка од 5 до 10 см.
Температурите ЗНАЧИТЕЛНО ќе се намалат и максималните дневни температури на воздухот ќе се искачуваат во интервалот само од 1 до 9 степени во најтоплите централни и југоисточни предели од државава. Минималните температури пак ќе се спуштаат во интервалот од -3 до 4 степени.
Во Скопскиот регион се очекува снег само на поголема надморска височина, односно особено на околните планините, вели метеопрогнозерот Славчо Попоски и напоменува:
Во некои пониски места (градови) и тоа особено во централните и југоисточните предели ќе врне дожд. Потоа во текот на следната седмица очекуваме ЗНАЧИТЕЛНО ПОСТУДЕНО време и барем одсега гледано ќе има нови врнежи, но сепак детали околу ова овие денови.
