Ајрин Кара, пејачката која ги отпеа насловните песни на филмовите „Fame“ и „Flashdance“ од 80-тите, почина на 63-годишна возраст.
Веста ја потврди нејзината публицистка Џудит А. Мус на Твитер, која откри дека Кара починала во својот дом на Флорида. Причината за смртта засега не е позната.
„Ова е апсолутно најлошиот дел за еден публицист. Не ми се верува дека морав да го напишам ова, а камоли да го објавам. Ве молиме споделете ги вашите спомени и сеќавања на Ајрин. Ќе ги прочитам сите и ќе знам дека Ајрин се насмевнува од рајот. Таа ги обожаваше своите фанови“.
Ајрене Кара Ескалера (18 март 1959 – 25 ноември 2022 година) беше американска пејачка и актерка. Кара која ја отпеа и ја напиша песната „What a feeling“, од филмот Flashdance, освои Оскар за најдобра оригинална песна и награда Греми за најдобра женска поп вокална изведба во 1984 година.
Кара е позната и по улогата на Коко Хернандез во филмот Fame од 1980 година и по снимањето на насловната песна на филмот „Fame“.
Пред нејзиниот успех со Fame, Кара го толкуваше насловниот лик Спаркл Вилијамс во оригиналниот музички драмски филм Спаркл од 1976 година.
Fame and Flashdance singer Irene Cara has died https://t.co/bBvtimRJAC pic.twitter.com/N0o844iCNl
— The Sun (@TheSun) November 26, 2022
