Актерот од „Војна на ѕвездите“ и „Хари Потер“ – Пол Грант, даде интервју неколку недели пред неговата смрт, која беше потврдена вчера од неговото семејство (почина на 56-годишна возраст). Во интервјуто тој изјави дека треба да престане да пие и рече дека ги потрошил своите пари на дрога и ескорти.
Пол изјавил само пред три недели дека скоро се што заработил од филмовите го потрошил на пороци.
Тој рече: „Секс, дрога и рокенрол. Добар живот, но останав без пари.”
Во истото интервју се гледа како тој пие Џек Даниелс и иронично вели: „Пиев премногу. Треба да престанам да пијам“.
Пол беше пронајден од полицијата како лежи пред станицата „Кингс Крос“ во четвртокот попладне. Тој бил итно пренесен во болница, каде што дијагностицирале мозочен удар. Неговиот апарат за одржување во живот беше исклучен во неделата.
Девојката на Пол, Марија Двајер, го опиша како „љубовта на нејзиниот живот“ во нејзиното последното интервју. „Животот никогаш нема да биде ист без него“ – надополни таа.
Згасна ѕвездата на „Војната на ѕвездите“ и „Хари Потер“ – актерот го нашле онесвестен на улица
