Семејството Бајден ја поддржува „русофобната линија“. Ова е причината што го поттикна Кремљ да ги санкционира Џил, Ноеми и Џо Бајден членовите на американското претседателско семејство.
Москва ја подигнува границата на и онака тешкиот дијалог за мировните преговори со воведување санкции за забрана за влез на руска територија на сопругата и ќерката на американскиот претседател и на 23 други лица. Ова го соопшти Министерството за надворешни работи, цитирано од агенцијата Тасс.
Можеби ова е прв руски одговор на она што се дефинираше на самитот на Г7 во Елмау во Германија каде што лидерите зборуваа за поддршка на Украина.
Седумте европски лидери го кааа своето ветување „со сите напори да дадат поддршка и помош на Украинците“ да го задржат територијалниот интегритет и суверенитет „со останување цврсто на координираните и без преседан санкции како одговор на руската агресија.“ Ние сме посветени на зголемување на притисокот врз режимот на Претседателот Путин и неговите соучесници во Белорусија“, се вели во последното соопштение кое доаѓа од Г7. Попладнево тие ќе се преселат во Шпанија, во Мадрид, каде што треба да започне самитот на НАТО, на кој ќе присуствува и Бајден.
Санкциите против семејството на американскиот претседател секако не се добар знак, и потврдуваат дека тензиите на фронтот на дипломатскиот дијалог не покажуваат знаци на намалување. Голема грижа останува прашањето за снабдувањето со суровини како што е рускиот гас.
