Нова голема победа за Доналд Трамп: Дејвид Мекормик ја призна победата на ТВ-ѕвездата, хирургот Мехмет Оз, кандидат поддржан од тајкунот, во трката за сенаторско место во Пенсилванија.
Мехмет Оз на 8 ноември ќе се соочи со демократот од Пенсилванија – Џон Ветерман. Докторот Мехмед Оз, кој е етнички Тирчин, победи на внатрепартиските републикански избори во Пенсилванија и со тоа го доби правото да се кандидира за американскиот Сенат на изборите на 8 ноември.
Неговиот противкандидат Дејв Мекормик го призна поразот и телефонски му честиташе на својот сопартиец. Мехмет Оз пак му се заблагодари на Мекормик кој најави подготвеност да го поддржи Оз на ноемвриските избори.
Оз беше силно поддржан и од поранешниот американски претседател Доналд Трамп.
Инаку, Мехмет Џенгиз Оз, на јавноста и е познат и како доктор Оз од популарното телевизиско шоу Шоуто на Доктор Оз – емисија во која советуваше за добро здравје, правилна исхрана, слабеење, како да ја сочувате врската, како да се справите со конфликтот и стресот. Две години последователно „Шоуто на Доктор Оз“ беше добитник на наградата Еми во категоријата Најдобро дневно шоу од информативен карактер.
Доктор Мехмет Оз е кардиохирург, работи како професор на Колумбија Универзитетот и повремено изведува операции на срце. Автор е на повеќе од 400 публикации од кои 6 се бестселери. Тајм го стави на листата на 8-то место од 100 највлијателни луѓе.
View this post on Instagram
