На годишната листа со милијардери се најде и Кајли Џенер и тоа втора година по ред…
Таа со своите 22 години е најмладата милијардерка на планетата, благодарение на козметичкиот бренд „Kylie Cosmetics” кој и донесе големо богатство.
Да се потсетиме, Кајли во март 2019 година од првото место го оттргна основачот на Фејсбук, Марк Цукерберг (35), кој стана милијардер во 2008 година, на свои 23 години.
Потоа таа во ноември 2019 година, продаде 51 процент од својот козметички бренд, на компанијата „Coty Inc.“, за неверојатни 600 милиони долари.
Со договорот кој беше заклучен во јануари 2020 година се подразбира дека нејзиниот бизнис сега е вреден 1,2 милијарди долари, а таа и понатака самостојно поседува 49 проценти од компанијата.
Инаку, Кајли е една од 2.095 луѓе во светот кои имаат богатство од 10 бројки.
