Регионалната фолк ѕвезда Лепа Брена со децении е вљубена во поранешниот тенисер Боба Живојиновиќ, со кого и се омажи.
За многумина тие се асоцијација на долг и квалитетен брак, а Брена сега во емисијата „Амиџи шоу“ открила дека и тие имале падови и кризи, од кои излегле како победници.
– Ние тие детски бубачки ги поминавме многу порано. Тој беше остварен професионално, по тенисот продолжи да се занимава со различни работи, многу успешно. Боба го сака животот, го сака семејството, а јас сум личност која сака да следи некого и која сака да има цврсто рамо покрај себе, да можам да се потпрам и да имам силна личност покрај себе. Многу специфичен однос, а ние навистина го негуваме. Сите луѓе кои го негуваат односот прават добри резултати, но никогаш не можете да потпишете и да гарантирате – признала Лепа Брена.
Водителот Огњен Амиџиќ потоа ја ставил Лепа Брена на тест, на кој таа требало да одговара на незгодни прашања.
Едно од нив било да открие кое е најнеобичното место каде што водела љубов.
– Автомобил – рекла Брена која се засрамила и се фатила за глава, а Амиџиќ почнал да се смее.
– Ако можам да поставам потпрашање, околу автомобилот или во автомобилот? – љубопитно прашал Амиџиќ.
– Во автомобилот – открила пејачката, но не сакала да открие повеќе детали.
Во гостувањето во „Амиџи шоу“, Лепа Брена открила и колку пари успеала да заработи за еден ден.
– Малку и ќе ја намалам цифрата… Ете, 150.000 евра. Ќе ја продадеш куќата и ќе заработиш 10 пати повеќе. Или автомобилот, така… – рекла пејачката.
