Во нападот сериозно е повредена и трудница, подложени на итно породување.
Седум лица се повредени, меѓу кои две потешко, во вооружен напад на автобус во центарот на Ерусалим, соопштија од полицијата и спасувачите. „Полицијата е известена за пукање во автобус – објаснуваат тие – агентите ја изолирале областа и трагаат по осомничениот кој е во бегство“.
Според полициските извештаи, пукањето се случило во близина на гробот на Давид, недалеку од Ѕидот на плачот, во стариот град Ерусалим. „Има вкупно седум повредени, сите свесни, една жена и шест мажи, од кои двајца се сериозно повредени“, објасни Заки Хелер, портпарол на Маген Дејвид Адом, израелски еквивалент на Црвениот крст.
Полицијата уапси Палестинец осомничен дека го извршил нападот. Ова го соопшти израелското воено радио. Според радиодифузерот, тој сега е на распит за да се види дали тој е всушност сторителот на нападот – Амир Сидави, 26-годишен Палестинец со израелско државјанство, соопштуваат израелските медиуми, пренесува раињуз.
Во меѓувреме, лекарите во болница во Ерусалим ја породиле 30-годишната жена која била тешко повредена во нападот. Состојбата на новороденчето се оценува како сериозна.
