И додека бројни фанови на 49-годишната Наоми Кемпбел се навикнати на социјалните мрежи да очекуваат нејзини голи слики, овојпат таа отиде во сосема спротивна насока.
Атрактивната манекенка очигледно ги следи сите новости за коронавирусот, па позира во маска, облечена во заштитно одело и заштитни очила.
„Безбедноста на прво место“, напиша манекенката во описот на објавата на Инстаграм.
Инаку, Наоми уште минатото лето покажа дека рутината за чистење на авионските седишта ја сфаќа многу сериозно.
– Летајте безбедно – напиша таа, а дизајнерското модно издание го надополни со ракавици, маска и средство за дезинфекција.
Во однос на тоа дека поради кариерата големиот дел од животот го минува во авиони, Наоми вели дека научила постојано да има со себе се што и треба.
– Не ми е гајле што луѓето мислат за тоа. Се работи за моето здравје и јас се чувствувам подобро кога сум обезбедена со се што ми треба – рече манекенката чистејќи го своето седиште во авион.
