Денешниот ден низ историјата на музиката ни носи неколку интересни настани, како што е раѓањето на американскиот музичар Ри Кодер и објавувањето на феноменалниот албум „Destroyer“ на американската група „Kiss“.
Во продолжение прочитајте ги сите настани низ историјата кои ја одбележаа музиката на 15 март:
1934 година – Роден Ѓорѓе Кисиќ, тапанар на групата „Индекси“.
1947 година – Роден Ри Кодер, американски гитаист, пејач и композитор, на почетокот член на групата „Captain beefhearts magic band“, а подоцна многу повеќе познат по својата соло кариера и бројните соработки со познати музичари.
1971 година – Британската фолк рок група „Mungo Jerry“ го објави вториот албум „Electronically tested“, а го одбележаа два големи хита, кои ги напиша нивниот лидер, пејач и гитарист Реј Дорсет – „In the summertime“ и „Baby jump“.
1976 година – Американската рок група „Kiss“ го објави четвртиот албум „Destroyer“, со кој се случи голем пресврт, бидејќи тој донесе отстапка од нивниот звук од првите три албуми, а влезе во неколку листи за избор на едно од најдобрите рок остварувања во рокенрол историјата.
1989 година – по објавувањето на албумот „Чирибирибела“, бендот „Бијело дугме“ на 25.01.1989 година, тргна на промотивна турнеја, која требаше да трае до 1.04, и во рамките на која токму на денешен ден е одржан спектакуларен концерт во Дервента. Тогаш се случи нешто непланирано – по овој концерт пејачот Ален Исламовиќ отпатува во родниот град Бихаќ, со објаснување дека е болен, па турнејата беше прекината. По ова, Горан Бреговиќ отпатува во Париз, оставајќи го прашањето за ситуацијата со Ален „отворено“, а на крај се покажа дека токму ова ќе биде последниот концерт на „Бијело дугме“.
2007 година – Панк рок групата од Загреб „Хладно пиво“ го објави албумот „Кнјига жалбе“. Иако не носи класични хит песни, ова издание во некои избори е оценето како рок албум на годината во Хрватска, а најголемо внимание добија песните: „Није све тако сиво“, „Биолошки сат“ и „Џепни Бог“.
