Српскиот актер Милош Биковиќ и неговата вереница Ивана Малиќ станаа родители на машко дете. Како што објавија српските медиуми, сѐ поминало во најдобар ред, а мајката и детето се во добра здравствена состојба.
Откако се прошири убавата вест, голем број обожаватели се запрашаа како актерот ќе го крсти својот новороден син. Имено, заљубениот пар јавно не откри како ќе се вика детето, но неговиот колега Милош Петровиќ Тројпец на социјалните мрежи објави фотографија со Биковиќ и кратко напиша: „Васа“.
Името Василиј, а скратено Васа е старо христијанско име со грчко потекло, што значи царствен, односно цар.
Да потсетиме, Милош Биковиќ и Ивана Малиќ се во романтична врска нешто повеќе од две години.
Актерот за првпат ја претстави својата избраничка пред јавноста на премиерата на филмот „Јужен ветер 2: Забрзување“ („Јужни ветар 2: Убрзање“) во 2021 година.
