Славниот рокер, Милиќ Вукашиновиќ, за српските медиуми вели дека прележал коронавирус уште во декември минатата година.
– Живеам сосема нормално, јас го поминав тоа уште во декември. Можеби тоа беше корона, бидејќи мета на вирусот беа токму моите бели дробови. Премногу кашлав, а не намалив со цигари, пушев по две кутии. Сега се чувствувам здраво и јако, секој вирус на грип е јак – рече рокерот и апелираше дека народот мора да ги слуша инструкциите на експертите и властите во оваа ситуација.
Иако вели дека има моќен имунитет, сепак Милиќ има 70 години и влегува во групата на најзагрозени лица, кога е во прашање актуелниот Ковид 19.
– Не одам надвор, ги мијам рацете, но не носам маска. Навистина звучи многу кога ќе кажам колку години имам, не верувам дека тоа сум јас. Се чувствувам како да имам најмногу 40 години, а во длабочината на мојата душа всушност сум само 18!“, раскажа тој за Курир.рс.
