Секој пар има свои тајни кодови, но кога сте во центар на вниманието на јавноста, невербалната комуникација можеби е најважна.
Хари и Меган изгледаат како да изведуваат перформанс, со низа добро извежбани допири, кои изгледаат како да си сигнализираат еден на друг како да се однесуваат, пишува Дејли мејл.
Нивната последна серија ангажмани во кралското семејство не е исклучок.
На доделувањето на наградите на фондот Ендевор, Меган прво ја ставила раката на рамето на Хари, а потоа го повлекла назад за да може да оди пред него. Потоа Хари ја ставил раката на грбот на својата жена за да и даде поддршка.
„Имаше доволно невербални сигнали за парот да може да стои на пилотска кабина, насочувајќи ги авионите“, пишуваат британските медиуми.
Раката на грбот е суптилна, но може да биде и средство за насочување.
„Ова е родителски гест кој исто така подразбира желба за контрола или управување“, вели Џуди Џејмс, стручњак за говор на телото.
Тајна контрола во „пат позиција“
„Во политиката е познат како пат на моќта, кога оној кој е во „пат позиција“ го подигнува својот статус спуштаќи го другиот. Раката на Меган беше цврсто на грбот на нејзиниот сопруг додека присуствуваше на приемот во Јужна Африка, при посетата на Биренхед, па дури и кога првпат се појавија како брачен пар во градината на Бакингемската палата. Ја стави раката на грбот на Хари и додека го носеше Арчи при првото појавување пред камерите – гест на мајчинско одобрување“, вели експертката за говор на телото.
Рака под рака
Меган и Хари никогаш не се плашат да не го почитуваат непишаното кралско правило за јавно искажување наклоност. Но позицијата рака под рака, според експертите за говор на телото има поинакво значење.
„Тоа значи близина и навестување дека сè уште се во романтичната фаза на љубовта“, вели Џули Џејмс.
„Меган ги удвојува сигналите на блискост наметнувајќи сопственост, како и осигурување дека таа е најважна во умот на Хари“, додава Џејмс.
Кога мирувате, држењето за рака не е баш практична опција. Наместо тоа, Меган и Хари се држат и за надлактиците (тој тоа го правеше како заштита додека Меган беше бремена). Во светот на говорот на телото тоа е „одвратен гест“, како мајка која сака да го запре своето дете додека бега, а таа зборува со пријателката.
„Тоа е нежен сигнал Чекај!, кога Меган сака подолго да разговара со домаќинот или дури и кога ќе се приклучи во раговорот што го води Хари“, вели Џули.
