Ѕвездата од филмот „Once Upon A Time In Hollywood“ Маргот Роби се наоѓа во самоизолација, како и поголемиот дел од нас. Нејзините колеги кои се музичари, одлучија од своите домови да прават онлајн концерти за фановите, бројни актери и спортисти апелираа да се остане дома поради глобалната пандемија, додека популарната актерка имаше нешто поинакво на ум.
Таа во видеото кое го стави на својот инстаграм-профил апелираше да се помогне на загрозените деца во САД, кои единствен оброк имаат во училиштата, кои сега се затворени.
Маргот потоа одлучи на децата преку видео снимка да им прочита бајка. Актерката секако, чита на англиски, но тоа е одлична вежба за учење на јазикот.
