Сана Марин, финската премиерка, даде интервју за италијанскиот дневен весник „Кориере дела сера“.
„Мислам дека во оваа фаза е важно да се остане смирени, да се води дискусија со Турција и сите други земји членки, да се одговари на прашања кои може да се појават и да се поправат сите недоразбирања. Секој проблем може да се реши со дискусија и добра волја. Тоа е. Важно е да се поддржи Украина и да се осигураме дека таа ќе победи во војната со обезбедување оружје, финансиска и хуманитарна помош, со воведување нови санкции против Русија, кои нема да престанат додека не се прекине војната“.
За можноста Русија да изврши воени или хибридни напади врз Финска за време на процесот на пристапување, премиерката рече дека „се надеваме дека нема да има напади од руска страна, но ако ги има, подготвени сме да се соочиме со каква било ситуација, вклучително и сајбер напади или хибриди“.
Во меѓувреме пристигна и реакција од Русија за влезот на Финска и Шведска во НАТО.
Реакцијата на Русија за приемот на Финска и Шведска во НАТО ќе биде сразмерна на военото присуство на Алијансата на териториите на овие две земји, но во секој случај безбедноста на Руската Федерација ќе биде „гарантирана“. Ова го изјави Валентина Матвиенко, претседател на советот на Руската Федерација, Горниот дом на Парламентот, во интервју за весникот „Известија“.
„Во воена смисла, реакцијата на Русија ќе биде пропорционална и соодветна на присуството на НАТО на териториите на овие две држави, за тоа каков вид оружје ќе биде распоредено. Но, можам да гарантирам дека безбедноста на Русија секако ќе биде обезбедена “, рече таа.
