Бинди Ирвин и нејзиниот вереник Чендлер Пауел одлучија следната година церемонијата на венчавката да ја одржат во Австралиска зоолошка градина, во знак на сеќавање на покојниот татко на Бинди, светски познатиот ловец на крокодили Стив Ирвин.
Веста за „Курир мејл“ ја потврди Тери Ирвин, додека зборуваше за покојниот сопруг Стив.
– Сакаме тој да ден да се сетиме на него на тој начин што на венчавката сите ќе запалиме свеќа – вели Тери Ирвин, а пренесува „Мирор“.
– Верувам дека луѓето кои ги сакаме се уште се тука. Знаете, ако некој ви недостасува, мислам дека е корисно да се знае дека не можете во реалноста преку наука да создадете или угасите нечиј живот, можете само да го промените неговиот облик – додаде таа.
Тери исто така откри дека помладиот син Роберт, во отсуство на Сти, ќе ја носи својата сестра до олтарот во текот на венчавката.
Бинди, која исто така е голем љубител на животни, во претходно интервју за еден магазин откри повеќе детали за своите прилично необични планови за венчавката.
21-годишната Ирвин рече дека таа и вереникот Чендлер се надеваат дека ќе хранат крокодили во зоолошката градина веднаш по церемонијата.
Бинди исто така се надева дека еден ќе има сопствени деца и ќе ги поттикне да се разбуди и во нив истата страст кон природата и животните, како што тоа го направиле нејзините родители со неа.
