Хаи и Меган беа критикувани дека се единствените кралски членови кои не отпатуваа во Вестминстер на комеморацијата посветена на војводата од Единбург и што не покажаа почит на нивниот дедо, кој почина пред една година. Но, според британските таблоиди, Хари и Меган Маркл со ентузијазам ја прифатиле поканата за свадбата на годината, онаа на Бруклин Бекам.
Бруклин, најстариот син на Дејвид и Викторија Бекам, ќе се ожени со Никола Пелц во Палм Бич, Флорида, во спектакуларната приморска вила на невестата во сабота на 9-ти април. А војводите од Сасекс кои се поканети како почесни гости, разликувајќи се од стотиците ВИП гости, ќе присуствуваат на свадбата и тоа „со големо задоволство“.
На Флорида, Сасексите ќе пристигнат со краток лет од Калифорнија, но Бакингемската палата не ја крие нивната иритација кога Хари во вторникот ја одби поканата за комеморацијата на принцот Филип, предизвикувајќи длабоко незадоволство на кралицата Елизабета.
Покрај тоа, Хари потврдил дека во следните неколку недели ќе биде во Холандија за следното издание на Игрите Инвиктус, игри за поранешни војници со посебни потреби што тој ги основал.
Кралицата Елизабета пак, ги покани во Лондон и би сакала да ѝ бидат во близина за прославата на платинскиот јубилеј, заедно со малите Арчи и Лилибет (Лилибет се уште не се запознала лично со својата прабаба), ветувајќи дека на свечениот настан ќе му го додели на Хари престижниот јубилеен медал.
Во реалноста, не се знае дали воопшто ќе дојдат во Лондон: Хари не ги смета за соодветни безбедносните мерки што биле донесени за него и неговото семејство, а поради тоа ги тужеше британските власти. Дали ќе се премислите до јуни, останува да видиме.
