Најмладата милијардерка Кајли Џенер (22) на своите пријатели им се пофали на друштвените мрежи дека ќе пушти во продажба колекција на шминки под името Сторми, како што се вика нејзината ќерка која во февруари ќе го прослави својот втор роденден.
Сепак Кајли беше критикувана што на фотографиите за промоција на шминката стави само една слика од девојчето, а на сите останати таа е сама. На фотографиите таа носи проѕирен фустан и се наоѓа на сет како шумска вила.
Во прв план, секако, таа го истакна својот задник. За оваа пригода таа носеше и перика. Во објавата таа напиша дека е среќна што колекцијата наскоро излегува и дека не може да дочека тоа да го прослави со својата ќеркичка. Сепак, следбениците и приговориле поради тоа што премногу се користела себе во кампањата, наместо ќерката.
„Каде е Сторми? Би било убаво доколку видиме убава слика од Сторими на лансирањето на нејзината колекција. Ти си многу убава, но сфати, тоа е нејзина колекција“, бил само еден од коментарите.
Сепак, тие кои редовно се на профилот на Кајли на друштвените мрежи, не им избегна тоа дека ријалити-ѕвездата неодамна објави фотографија со девојчето и напиша дека тоа го посакувала уште кога останала бремена.
„Мислам дека ова го очекував уште од моментот кога дознав дека сум бремена. Целата колекција е посветена на мојата прекрасна ќерка, не можам да дочекам да ислезе. Ќе се заљубите“, рекла Кајли.
„Ете, битно веднаш ја нападнавте. Па таа ја родила, нека се промовира малку и себе. Како и да е, Сторми ионака е премногу изложена во јавноста. Само велам“, коментирале останати.
