Знакот Девица ужива углед од водечките критичари и астролозите. Неговите припадници се интелигентни, критичари и прилагодливи. Она што им недостасува е интуиција, инстинкт, имагинација и самодоверба.
Девиците лесно учат, имаат одлично памтење, а нивниот практичен дух сака знаењето да го примени во пракса. Благодарение на спретноста и прецизноста, се снаоѓаат во бројни професии. Што се попосветени на работата, повеќе се дистанцираат од другите. Ја почитуваат точноста, многу се совесни и одговорни.
Не сакаат преценување, глумење, снобови и паразити. Сè анализираат, склони се кон критика, бидејќи тежнеат кон совршенство и толку се грижат за деталите, што губат увид на целината. Им треба некој кој ќе ги поддржува и охрабрува, бидејќи многу се несигурни. Избегнуваат ризик, особено кога станува збор за финансии.
Добро функционираат додека работите им се одвиваат според планот, но штом ќе се случи некој расчекор, ги фаќа паника. Изгледаат ладно и одмерено, а многу се нервозни и грижливи.
Најчесто им се забележува за недостатокот од чувствителност и приврзаност. Кон пријателите ретко се сосема отворени, дури и кога сè би направиле за нив, не знаат тоа да го покажат. Имаат добри познаници додека вистинските пријатели ги губат, бидејќи мислат дека секогаш можат да пресметаат кој колку дава и кој колку добива.
