Во Кина вчера биле регистрирани околу 13.146 случаи на Ковид-19, што е највисока бројка од врвот на првиот бран пред повеќе од две години.
Ова го изјавиле локалните здравствени власти. Станува збор за „1.455 пациенти со симптоми“ и „11.691 асимптоматски“, додека „не се пријавени нови смртни случаи“, се вели во соопштението на Националната здравствена комисија, при што многу заразната варијанта на Омикрон се шири во повеќе од десетина кинески провинции .
Речиси сите 25 милиони жители на Шангај, економската престолнина на Кина, се во карантин од саботата.
Во последните денови градот стана епицентар на новиот бран на контаминација поврзан со Омикрон. Неколку десетици милиони Кинези се исто така во изолација во североисточниот дел на земјата, колевката на автомобилската индустрија.
Кина, каде коронавирусот првпат беше откриен на крајот на 2019 година, е една од последните земји во светот што практикува политика „нулта ковид“ насочена кон спречување на појавата на нови случаи преку драконски „заклучувања“, масовни тестови, систематска изолација на заразените. луѓе и делумно затворање на границите, известува анса.
