Славниот Идрис Елба неодамна со обожавателите сподели дека неговиот резултат за коронавирусот е позитивен, а набргу се зарази и неговата сопруга Сабрина.
Актерот повеќе пати им се обрати на своите фанови преку Инстаграм и сподели со нив некои детали од неговата состојба, а сега се соочува со непријатни обвиенија – дека е потполно здрав и дека му е платено да лаже дека е заразен.
„Идеата на некои луѓе дека некој ми платил само за да кажам дека сум добил коронавирус е тотално с**ње. Тоа е огромна глупост, а луѓето ја шират како да е вистинска вест. Не постои никаква корист јас и Сабрина да седиме дома со денови и да зборуваме дека сме го добиле вирусот, доколку не сме. Воопшто не ја разбирам таа логика“, истакна актерот.
Тој се обрати и за коментарите како тоа богатите имаат поголема веројатност да бидат тестирани.
„Мислам дека дебатата за богатите и сиромашните луѓе и тоа кој добил тест, а кој не, не е здрава. Океј, добив тест, но добив и вирус, дали тоа ме прави привилегиран? Не го разбирам тоа. Ова не е филм. Јас сега не сум актер. Само сум човек кој според некаква случајност се наоѓа во очите на јавноста. Затоа сакам луѓето да разберат дека ова е навистина реална ситуација. Не се чувствувам привилегиран со тоа што сум тестиран и го имам вирусот“, заклучи Елба.
