Принцот Хари и Меган Маркл ја купиле куќата на Мел Гибсон за 14 милиони евра, пишуваат странските медиуми. Куќата има пет спални соби и базен, а парот се распрашувал за неа кога повторно се пресели во Ванкувер.
Во сега избришаната објава на Инстаграм, локалната агентка за недвижнини во Лос Анџелес, Андреа Пилот, минатата недела напишала: „Голема вест е дека принцот Хари и Меган ја купуваат куќата на Мел Гибсон“.
Од компанијата која продава недвижности не потврдија дека Хари и Меган ја купиле куќата, но извор за странските медиуми рекол дека куќата е продадена.
„Куќата е многу убава и можеби отишле да ја видат и ја купиле. Таму имаат целосна приватност, а на пазарот нема ништо слично“, рекол изворот.
