Актерката Гвинет Палтроу (47) одлучи да им помогне на научниците во потрагата по вакцина против коронавирусот, кој со месеци наназад ја тероризира целата планета.
За да помогне во кризата против коронавирусот, актерката одлучи да донира парични средства и да им помогне на научниците во процесот на откривање на вакцина која би спасила многу животи.
Гвинет ќе организира аукција на која ќе понуди свечен фустан со марка „Calvin Klein“, во кој прошета по црвениот тепих на доделувањето на Оскарите, во далечната 2000 година.
Таа објасни зошто го нуди токму овој фустан, а главна причина е тоа што модата од деведесеттте години повторно се враќа на улиците, па во рамките на тоа актерката смета дека ова е вистински избор.
Меѓутоа иако одлучи да почне акција строго во хуманитарни цели, на многу нејзини следбеници оваа идеја не им се допадна, па ја критикуваа дека на лош начин одлучила да им помогне на СЗО.
– Ако сакаш да помогнеш едноставно стори го тоа, а не барај пари за фустан“, „Донирај пари, а не фустан кој повеќе не сакаш да го носеш“, гласеа само некои од негативните коментари.
