Фронтменот на рок групата „U2“, Боно Вокс, одлучи да ги поддржи Италијанците во нивната борба против коронавирусот.
Боно тоа го направи пишувајќи песна која ја претстави на официјалниот Инстаграм профил на својот бенд, а истата може да се најде и на Јутјуб.
Нумерата го носи називот „Let your love be known“, а пејачот во описот на видеото објави и порака за сите државјани на Италија.
„За сите Италијанци кои ме инспирираа во создавањето на оваа песна, но и за Ирците…за сите оние кои на овој ден, Свети Патрик, не се во идеална ситуација, но продолжуваат да пеат. За докторите, медицинските сестри и за сите оние кои се на првата линија, за вас пееме“, пишува Боно.
Пејачот рече и дека песната ја напишал еден час пред да одлучи да ја сними и да ја објави на Инстаграм.
