Елијах Вуд (39), главниот јунак од филмовите „Господар на прстените“, стана татко, тврди магазинот UsWeekly повикувајќи се на избор близок на славниот актер. Со партнерката Мете Мари Конгсвед, актерот познат по улогата на Фродо, во тајност доби дете кое засега се уште не се знае кој пол е. Тој со продуцентката е во врска веќе три години.
Продуцентката минатото лето е видена во Лос Анџелес со заоблен стомак, а пред неколку дена со своето момче беше на премиерата на филмот „Emma“. Таа не ја испушташе раката на актерот, а стомакот веќе го немаше. Парот се запозна во 2017 година кога заедно работеа на филмот „I Don’t Feel At Home In This World Anymore“.
Мате Мари пред врската со Елијах беше во брак со продуцентот и сценаристот Еван Луис Катз (39), но љубовта „пукна“ година дена пред Вуд и Конгсвед да се запознаат. Елијах беше во врска со американската актерка и музичарка Памела Расин (42), која свири во панк бендот „Gogol Bordello“.
Меѓутоа, очигледно не им беше судено, па после 5 години романса одлучија да прекинат во 2010 година.
