Џенифер Лопез објави серија фотографии од теретана на социјалните мрежи на кои позира во спортска облека.
56-годишната пејачка и актерка се пофали со извајаните стомачни мускули во бел краток топ, црн спортски градник, хеланки со низок струк и бели патики.
Покрај објавата таа упати кратка порака: „Стани и фати се за работа!“
На нејзиниот изглед реагираше и нејзината долгогодишна тренерка Трејси Андерсон, која кратко коментираше: „Какви стомачни мускули!!!“
Инаку, во 2023 година, Лопез ѝ ја додели на Трејси Андерсон наградата за извонредно достигнување во фитнесот.
– Трејси Андерсон се издвојува како оригинална авторка чии методи и посветеност на работата ја одржаа на самиот врв. Нема ништо лудо во нејзиниот метод, само 25 години посветеност на клиентите и здравјето- рекла пејачката во тоа време.
Пристапот до тренинг со 51-годишниот фитнес гуру, чии клиенти се и Оливија Вајлд, Гвинет Палтроу и Викторија Бекам, не е евтин. Според „Таун енд Кантри“, членарината за нејзините теретани е 1.500 долари (околу 1.300 евра), плус годишно ВИП членство.
Лопез, која работела и со тренерите Дод Ромеро и Дејвид Кирш, претходно ја споделила својата фитнес филозофија: „Целта е едноставна. Да бидеш подобар од вчера. Секој ден.“
