ТВ водителката Милена Антовска- Станковска речиси осум години е во складен брак со Гордан Станковски и имаат две ќерки, Лана Марија и Јоана.
Милена не објавува семејни слики многу често, освен од летните одмори или кога има специјален повод, како овој сега. На својот сопруг, таа му го честиташе роденденот и објави заедничка слика под која напиша „Среќен роденден душо“. Во едно интервју за „Слободен печат“, убавата водителка. ја откри нивната љубовна приказна.
„Со сопругот сме заедно осум години, си помагаме еден на друг околу сè колку можеме и ги делиме обврските колку што ни овозможуваат професиите. Нашето запознавање е одамна, а се знаевме од град, што би рекле. Почнавме комуникација и другото веќе натаму нè донесе до ова што сме денес“, раскажа Милена.
Таа ја води Утринската програма на Канал 5 „Здраво Македонијо“, и е една од нашите најекспонирани ТВ лица, и најактуелна на социјалните мрежи. Уште од рано наутро, Милена е подготвена за фотографија или видео на кои е секогаш насмеана. Важи и за една од најубавите и најнегуваните жени во јавноста, а оние кои ја следат, ја немаат видено онаа нејзина друга, домашна страна.
„Дома сум по тренерки или пижами, хаха. Некогаш со Лана Марија заедно знаеме да се дотеруваме бидејќи сега е во таа фаза и интересно ѝ е да ме гледа како се подготвувам или шминкам“, рече Милена претходно за „Еспресо“.
„Како му е на Гордан дома со три женски од кои две Јарци во хороскоп, само тој си знае. Но, јас едно знам, дека татко и ќерка е посебна љубов“, додаде водителката.
