Весна Гогова има преубав двор од сто квадратни метри во село Николиќ, оштина Дојран.
Селото има преубава локација, се наоѓа во близина на северниот брег на Дојранското Езеро, оддалечено е 12,5 километри северно од општинскиот центар Стар Дојран, 19,5 километри североисточно од Богданци, и 29,5 километри североисточно од Гевгелија.
Идејата за уредување на овој семеен двор е всушност на сопругот на Весна. Заедно делат иста страст – љубов кон природата, цвеќињата и растенијата.
Во дворот има најрановидни цвеќиња – рози, трендафили, мушкатли, далии, снежна топка, а има и украсни дрвја, борчиња…Сепак, ако треба да се издвои цвеќе што е омилено, тоа се розите, трендафилите бидејќи цветаат до доцна есен.
– За да биде убав, дворот сака посветеност. Дневно поминуваме најмалку час до два на нега на цвеќињата и растенијата.
На Весна и сопругот предизвик им е дворот да е секогаш среден, да се подредени цвеќињата за потполно да се ужива во нив.
– Не одгледувам цвеќе, туку го купувам – ни отркива Весна и додава – ако почнам да одгледувам, би почнала од мушкатлите, газенијата, петунијата, далијата, а би садела и борчиња.
Инаку, Весна е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на госпоѓа Весна.
Фото – приватна архива
