Денес сме гости во преубавиот двор на Ане Стафановска, која моментно е невработе, а завршила средна општа гимназија во Крива Паланка.
Ане и сопругот делат иста страст – љубов кон природата и кон цвеќињата. А тоа се огледува во нивниот совршено среден двор кој се простира на 50 квадратни метри, а се наоѓа во Гази Баба, Стајковци.
– Желбата за уредување на дворот е моја, а сопругот е тој што ми ја исполнува секоја моја желба – ни открива Ане низ насмевка.
За уредувањето повеќе се грижи самата таа, но сопругот помага – тој, на пример, сам ја правел фонтаната, ги лепел плочките, па затоа Ане објаснува дека заедно се одговорни за оваа убавина.
– Цвеќиња имам само за сезоната, инаку ги обожавам зимзелените дрвца – објаснува нашата соговорничка.
Секојдневно на дворот му посветува по еден час за нега и уредување. Омилено цвеќе ѝ е орхидејата.
Стигнуваме до советот од Ане за оние кои сакаат да почнат да се занимаваат со одгледување цвеќе и растенија.
– Секој има посебна желба за цвеќиња и кој вид цвеќе да го одбере. Ќе биде убаво ако на цвеќето му посветите внимание, ако го одржувате дохранувајќи го на секои десет дена, и секако, секојдневно наводнување – вели Ане.
Инаку, Ане е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Ви ја носиме атмосферата од дворот преку фотогалерија.
Фото-приватна архива
Македонски двор во Германија кој одзема здив: Ане ни ги отвора вратите на цветниот рај
