Денес разговараме со Јасмина Талеска Ристеска од Прилеп, по професија стоматолог. Семејната викенд куќа им се наоѓа во село Ореовец, во близина на Прилеп, на површина од 500 квадратни метри.
– Динамичноста што ја носи градот последниве години ја заменивме со живот во овој прекрасен, планинси предел, на надморска височина од 870 метри, оддалечен од Прилеп на 7 километри. Па така, љубовта кон природата, а истовремено кон цвеќето, е постојано во мојот живот – ни веле Јасмина.
Секое слободно време Јасмина, заедно со семејството, го користат за уредување на дворот и одгледување и нега на цвеќиња.
– За убави цвеќиња се потребни добра почва, прихрана и внимание – ни ја открива тајната.
Дворот е раззеленет и со зимзелени дрвца, летни и зимски цвеќиња и прекрасна зелена трева.
– Посветеноста, љубовта, трпението кон цвеќето резултираат во совршеност – додава нашата соговорничка.
Особено ѝ се допаѓа бојата и формата на цветот на темјанушките, фасцинантна е нејзината издржливост на ниски температури!
– Цвеќето е симбол на живот, сакајте го и негувајте го со внимание затоа што цвеќињата се убавината и среќата во овој свет! – потенцира Јасмина.
Инаку, Јасмина е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА:
Прво – Јасмина на работното место.
А еве ги цвеќињата!
ФОТО – ПРИВАТНА АРХИВА
