Николина Јовановска е вработена во Винарија Стоби, а со одгледување на цвеќе – како што вели – се занимава од кога памети, многу одамна…
Дворот на семејство Јовановски се наоѓа во општина Градско, се простира на околу 250 квадратни метри.
– Одговорен за одржување на дворот е мојот сопруг, многу сум му благодарна – вели Николина.
Преубавото дворче изобилува со најразлични видови цвеќе – кринови, сардели, рози, божури, и многу други убавици.
– Секојдневно посветувам на дворот по два – три часа – ни отркива Николина и додава дека не може да одбере кое цвеќе ѝ е омилено.
– За љубител на цвеќе не може да се одвои едно, омилено – забележува таа.
Предвизкиот на Николина кога е дворот во прашање?
– Дворчето да биде средено, да биде сè на свое место – вели Николина и со радост објаснува колку ужива во дворот.
– За оние кој сакате да почнат со одгледување на цвеќе, им порачувам пред се дека треба да биде љубители на цвеќе и дека цвеќето бара голема посветеност – заклучува таа.
Инаку, Николина е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на семејство Јовановски.
Фото – приватна архива
