Во село Асамати во Преспа, на брегот на Преспанско Езеро, блеска дворот на Јета и Агрон Реџепи.
Гсопоѓа Јета е вработена во Swisslion Agroplod Ресен, Агрон пак, е приватен стопанственик и производител на јаболко.
Дворот има околу 400 метри квадратни, а заедно го средуваат.
Доминираат зимзелени дрвца, повеќето се туја смарагд, фотинии како и Зимзелена Магнолија кли Магнолија Грандифлора. Од листопадни има Каталпа, Саликс (вид на врба), и некои други листопадни дрвја.
– Цвеќе освен 2 рози на стебло не сме ставиле поради немање многу слободно време, цвеќињата бараат повеќе нега од зимзелените растенија- ни откриваат Јета и Агрон.
Омилени им се фотиниите – велат- поради тоа што преку цела година имаат лист и се со живи бои кога вегетираат.
– Самото одржување на дворот е предизвик, има ситуации кога некои од дрвцата боледуваат од некоја болест или се сушат, па самото тоа предизвикува ситуација да започнеш постапка за да го спасиш и буквално се грижиш за дрвцето како за мало дете – ни објаснуваат Јета и Агрон.
Ги прашуваме за градинарски совет за оние кои допрва би сакале да почнат со уредување двор:
– Би им препорачал на оние кои ќе почнат со одгледување и средување на двор, најпрво да направат план и скица што и каде ќе засадат во дворот, зашто се работи за долгогодишни растенија и понекогаш се случува грешките да ги видиш после неколку години кога нема да може да правиш рокади или пресадувања и да внимаваат од штетници – советува господин Агрон.
Инаку, Агрон е член на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на Јета и Агрон.
Фото – приватна архива
