Бранко Петрески е по професија трговец. Одгледува кали веќе 13 години, секако одгледува и многу други цвеќиња, но калите му се во срцето.
– Да бидам искрен, калата бара многу љубов, цвеќето е како сопствената жена, што повеќе го гледаш тоа е поубаво – ни открива Бранко.
Дворот на Бранко се наоѓа во скопската населба Лисиче и се протега на неверојатни 3.000 квадратни метри. Изобилува и со саксиско цвеќе, но одгледува и режано цвеќе (за букети) и има 10 фолии со цвеќе.
Советува дека кога е во прашање калата, најдобро е да се пресадува кога ќе прецвета, односно сега во овој период, па до крајот на август.
Другиот вид на кала пак, оние во боја и со главица, се пресадуваат на средина на октомври.
Бранко има две фолии кали со должина по 30 метри.
– Калата бара многу вода, тоа е мочуришно растение, по потекло е од Јужна Африка од кадешто дошла во Европа – ни објаснува Бранко за овој прекрасен цвет.
Го пршуваме колку пати калата треба да се наводнува?
Ни одговара – еднаш неделно но обилно.
Стигнуваме до советот од Бранко за оние кои сакаат да почнат да одгледуваат кали.
– Ако немаат искуство со одгледување кали на голема количина, воопшто нека не почнуваат – искрен е Бранко и додава – им теба многу арско ѓубриво, а ако го нема тоа, напразно е сè. Односно нема квалитетни цветови без арско ѓубриво.
Инаку, Бранко е член на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од нивата и дворот на Бранко каде калата е царица на цвеќињата.
Фото – приватна архива
(Фото сторија) Оваа убавина во Македонија е? Да! Село Сушица може да се гордее со дворот на Данка
