32-годишната британска пејачка Рита Ора покажа впечатлива модна комбинација на 80. Меѓународен филмски фестивал во Венеција.
Славната личност која малку остави на фантазијата со својот моден избор, беше фотографирана на глисер на пат кон филмскиот фестивал кој се одржува на Лидо.
Ора ја покажа својата фигура во црн мрежест комбинезон. Под комбинезонот јасно се гледаше црна долна облека, составена од горен дел со прерамки и гаќички со висок струк. Таа го комплетираше изгледот со предимензионирана бела бунда, чевли на платформа и предимензионирани црни очила за сонце. Пејачката се појави одлично расположена позирајќи пред папарацо фотографите.
Потсетуваме дека Меѓународниот филмски фестивал во Венеција е најстариот филмски фестивал во светот со 80-годишна традиција.
Фестивалот започна со премиерата на италијанскиот филм „Команданте“, во режија на Едоардо Де Анџелис, со фокус на Втората светска војна. Настанот ќе трае до 9 септември, а ќе кулминира со драмата на шпански јазик која ќе се прикажува на Нетфликс, The Snow Society.
