Пејачката и ТВ водителка на кулинарското шоу „Вкусот на традицијата“, Андријана Алачки на својот фејсбук – профил објави фотографија од својот син Благоја по повод неговиот роденден. Овој период минатата година синот на пејачката ја запроси својата сакана, а Андријана гордо се пофали со снаата Лина.
Благоја кој го наследи музичкиот талент од родителите, по професија е музичар и свири на гитара, а по повод неговиот роденденот Андријана објави фотографија од својот син со која му посака најубави желби.
Покрај Благоја, Андријана е горда мајка и баба на ќерката Грациела и внуката Јана. Покрај обврските како мајка и баба, пејачката е особено посветена на својата кулинарска емисија.
Бројни патувања надвор од границите на нашата земја, многу гости и вешти жени и илјадници рецепти кои ја негуваат нашата традиција.
