Богдан Срејовиќ, поранешен партнер на српската пејачка Светлана Цеца Ражнатовиќ, веќе некое време ужива во љубовта со ријалити ѕвездата Јована Љубисављевиќ.
Јована и Богдан се неразделни, а парот не крие колку е силна нивната љубов. Сега Срејовиќ ѝ приреди прекрасно изненадување на својата сакана.
Имено, Јована го славела 28-миот роденден, а Богдан ѝ ја направил незаборавна роденденската прослава.
„Ти благодарам за најубавиот роденден. Те сакам. Мој“, напиша Јована и го означи својот сакан Богдан со песната „Сад и заувек“ од Драгана Мирковиќ и Аца Лукас.
Да потсетиме, мисицата по реалното шоу беше во врска со Стефан Кариќ. Поради него, таа јавно го остави своето момче во реалното шоу, но нејзината врска со Стефан брзо „пукна“ во надворешниот свет.
Инаку, Јована во една прилика раскажа за својата врска со Богдан и откри како поранешното момче на Цеца Ражнатовиќ успеало да ја освои.
– Боги ме освои со своето внимание, со своето разбирање, со толеранцијата и со тоа што навистина покажа каков е идеалот на мажот во моите очи и дека постои, дека можам да го допрам. Така што, овој навистина ја има таа душа, секако, важен е физичкиот изглед, но тоа е нешто што сите го гледаме, а ова јас го почувствував и засакав – рекла Јована Љубисављевиќ за „Ред“.
Инаку, Богдан беше во врска со Цеца една година.
