Речиси се навикнавме да ја гледаме раскошната убавица Марјана Станојковска на бината на Макфест, ова е нејзин осми пат во улога на водителка на фестивалот. Така, и денес таа го покажа своето извајано тело (секако и водителските вештини), облечена во бела, секси креација, разиграна со сребрени детали и сребрен топ кој ги прекрива градите. Креацијата е од Јасмина Дракул.
„Годинешниот Макфест, можам да кажам, дека е навистина подобар од годините наназад, изведувачите се одлични, а годинава имаме и врвни музички имиња, на пример, Владо Јаневски повторно го гледаме на Макфест после 30 години, потоа двократната победничка Бојана Скендеровски, Андријана Јаневска, и други доста атрактивни музички имиња“, вели Марјана и додава дека и е драго што и годинава е водителка на популарниот музички фестивал.
Вели дека веќе има композиции од годинешното издание на Макфест кои цел ден ги потпевнува, мелодии кои ѝ влегле во уво.
„Најважно е која композиција ќе се слуша во текот на годината“, нагласува таа.
На прашањето како ја одржува витката линија, ни одговара дека тоа е заслуга на мајката природа.
За љубопитните, Марјана носи конфекциски број 36.
Потсетуваме, убавата водителка на првиот фестивалски ден беше облечена во црвена светкава креација, исто така од Ателје Дракул.
View this post on Instagram
