Српската пејачка Марија Шерифовиќ, победничката на Евровизија во 2007 година, го коментираше синоќешното полуфинале на ова натпреварување кое годинава се одржува во Малме, Шведска.
Во екот на протестите на пропалестинските активисти пред арената во Малме, многумина чекаа да видат дали израелската претставничка Еден Голан ќе биде исвиркана во текот на настапот, но имаше и свиркање и овации.
Реакции од тој тип, се чини, стигна од Марија Шерифовиќ.
За време на синоќешното полуфинале таа на социјалната мрежа Икс, поранешен Твитер, напиша:
„Море марш, бре“, а овој коментар многумина го протолкуваа како порака до Израел.
Ma more mars bre
— Marija Serifovic (@futomaki) May 9, 2024
Во коментарите под нејзината реакција се нижеле палестински знамиња, како и видео од одговорот на израелската претставничка кога на прес-конференцијата беше прашана дали нејзиното присуство на овој натпревар претставува опасност за другите учесници и за јавноста.
„Мислам дека сите сме тука поради една причина, ЕБУ ги презеде сите мерки да го направи ова натпреварување безбедно за сите нас. Мислам дека е безбедно за сите, инаку немаше да бидеме тука“, изјави Еден Голан на прес-конференција.
View this post on Instagram
