Мануела Бијелиќ, ќерката на Драгана Мирковиќ и Тони Бијелиќ, целосно се повлече и за разлика од нејзиниот брат не се појавува во јавноста, па дури има и заклучен профил на Инстаграм.
Имено, Мануела целосно се повлече од јавниот живот, а самата Драгана во неколку наврати изјави дека „тоа не ѝ се допаѓа на нејзината ќерка“. Посебно по разводот на родителите, никаде во јавноста не се појави реакција од Мануела…
Но, сега таа имаше посебна причина да се огласи, а тоа беше семејна прослава. Нејзиниот брат Марко денеска, 24 февруари, слави роденден, поради што таа сподели емотивна објава.
Мануела објави колаж од досега невидени фотографии од детството со нејзиниот брат Марко, честитајќи му го роденденот.
„Среќен роденден брату“, напиша таа, додавајќи емотикон со срце, кое тој го сподели.
Инаку, Драгана неодамна проговори за односот со нејзините деца, син и ќерка кои останаа да живеат со неа во замокот по разводот со Тони.
– Уживаат, горди се на својата мајка, што е природно и нормално – изјави тогаш Драгана.
