Повеќе од очигледно е дека цветаат рози во љубовната приказна на српската пејачка Анастасија Ражнатовиќ и фудбалерот Немања Гудељ.
Дека парот не ги заборава важните датуми од нивната љубовна врска покажува фактот што Немања ја изненади Анастасија со букет разнобојни рози по повод одбележувањето на една и пол година од почетокот на нивната врска.
„Среќна година и пол, девојче мое! Те сакам засекогаш“ – гласи пораката на англиски јазик што ѝ ја напиша Гудељ на својата сакана, а таа воодушевено ја сподели со следбениците на социјалните мрежи.
View this post on Instagram
Анастасија објави неколку фотографии како во рацете држи огромен букет со рози, што го добила од нејзиниот сакан и ја покажа пораката што тој ѝ ја упатил. До фотографиите кратко напиша: „Те сакам најмногу!“.
Ова беше многу тешка година за Анастасија и Немања, откако во мај ја загубија неродената ќерка, додека пејачката беше во петтиот месец од бременоста.
По краткиот период во кој и двајцата беа скршени од болка и многумина им предвидуваа дека ќе се разделат, парот покажа дека нивната љубов е посилна од сѐ, па фудбалерот ја запроси Анастасија за време на романтична вечера кон крајот на јули. Парот, тајно се венчаа во текот на летото, а тоа го објавија само неколку недели подоцна.
