Јужноафриканскиот милијардер Илон Маск неодамна повторно се најде на врвот на листата на Форбс за најбогати луѓе во светот. Според Форбс, сопственикот на компаниите SpaceX и Tesla моментално е горд сопственик на 242,8 милијарди долари и може да си дозволи се, ама очигледно не сака.
Со години наназад беше сопственик на голем број имоти, а пред неколку години вети дека ќе се ослободи од имотите за да не им робува, нагласувајќи дека сака да се ослободи од „речиси сите физички поседувања“.
За кратко време продаде четири вили во Бел Ер за 62 милиони долари, а медиумите во една прилика објавија дека богаташот ја продава и својата единствена преостаната куќа – луксузен објект во Сан Франциско кој се простира на 1.600 метри квадратни.
Интересно е што Маск пред извесно време реши да се пресели во Тексас, а неговиот нов дом не е скапа вила со патека од неколку десетици метри, базен, паркинг…Напротив.
На социјалните мрежи почнаа да кружат фотографии од внатрешноста на домот на Маск. Ќе се согласите дека милијардерот живее многу скромно.
Како што пишуваат американските медиуми, сегашниот дом на Илон Маск е мобилен, а вреди околу 49.500 долари.
Згора на тоа, овој многу скромен дом не е во сопственост на милијардерот, туку го изнајмува од неговата компанија SpaceX, а се работи за модел на Касита од линијата Боксабл.
Куќичката на Маск се протега на само 37 квадратни метри. Ексцентричниот милијардер избра куќа која лесно може да ја пресели по потреба.
– Мојата главна куќа – ако воопшто ја имам – е онаа во јужен Тексас, во селото Бока Чика… Изгледа прилично добро – напиша Маск на Твитер.
