Ќерката на српската пејачка Светлана Цеца Ражнатовиќ, Анастасија, се огласи на Инстаграм и упати емотивна честитка до првороденото во семејството Ражнатовиќ, нејзиниот внук Жељко, кој денеска го слави четвртиот роденден.
Таа објави видео колаж од фотографии од малиот Жељко и порача:
„Среќен четврти роденден, љубов на тетка“, напиша Анастасија со емотикони со смешковци и срциња.
Инаку, Жељко е првородениот син на Вељко Ражнатовиќ и неговата сопруга Богдана. Тие имаат уште два сина – Крстан и новороденчето Исаија.
Видеото за роденденските честитки е збирка на прекрасни моменти, во кои се појавуваат Жељко, Анастасија и Немања од нивната тајна венчавка.
Да потсетиме, тајната венчавка на Анастасија Ражнатовиќ и Немања Гудељ привлече големо внимание во јавноста.
Младиот пар, кој се венча минатата година во манастирот Рајиновац, на 28 мај направи граѓанска венчавка во вилата Ражнатовиќ.
По церемонијата, членовите на семејството Ражнатовиќ објавија и фотографии од приватната прослава.
