Турскиот претседател Реџеп Таип Ердоган најави дека наскоро ќе има телефонски разговор и со лидерот на Москва, Владимир Путин, и со лидерот на Киев, Володимир Зеленски.
Денес претседателот на Турција, Реџеп Таип Ердоган, ја изрази својата намера телефонски да ги слушне и рускиот претседател Владимир Путин и украинскиот претседател Володимир Зеленски. Телефонските разговори, како што пренесува Тасс, се очекуваат во понеделник на 30 мај.
Во однос на војната во Украина, Ердоган рече дека има особено внимателен однос кон идните случувања во врска со дијалогот меѓу Москва и Киев.
Во интервјуто за каналот НТВ, пренесува ТАСС, Ероган рече: „Ќе продолжиме да ги повикуваме двете страни да користат дијалог и дипломатија. Ние сонуваме дека оваа војна ќе заврши што е можно поскоро, но се чини дека настаните се развиваат негативно со секој изминат ден “.
Ергодан ја искористи можноста и да повторни дека Турција силно се противи за влезот на Шведска и Финска во НАТО.
Претседател на Турција повтори дека двете скандинавски земји се „поддржувачи на тероризмот“ на ПКК, курдската сепаратистичка партија со која Владата на Турција се бори со години.
Кремљ го потврди разговорот Путин-Ердоган
Што се однесува до разговорот што го соопштува Ердоган, веста ја потврди и рускиот претседател Владимир Путин.
Кремљ во официјална нота го објави планирањето на телефонскиот разговор што ќе се одржи во понеделник на 30 мај меѓу двајцата лидери.
