– За време на овој викенд, под влијание на влажна и нестабилна воздушна маса времето во Македонија e променливо облачно и нестабилно, на повеќе места со пороен дожд, грмежи и засилен ветер.
Потоа под влијание на МНОГУ ТОПЛАТА воздушна маса од Африка, во текот на следната недела и понатаму ќе имаме МНОГУ ТОПЛО време, а ќе биде и значително постабилно и посончево, иако во првите денови од неделата има услови за попладневна изолирана нестабилност. Минималните температури речиси насекаде ќе надминуваат 10 степени, а во најтоплите предели истите се очекува да се спушаат и до близу 20 степени, што значи топло ќе биде и во утринските часови.
Максималните дневни температури пак ќе се искачуваат во интервалот од 28 до 36 степени. УВ – ИНДЕКСОТ ќе има ЕКСТРЕМНО ВИСОКА вредност и ќе изнесува коефициент некаде околу 10, па на граѓаните ги советуваме да се заштитуваат од лошото влијание на сонцето.
Кратка најава за претстојното лето: Не очекува МНОГУ ТОПЛО лето со МНОГУ ВИСОКИ ТЕМПЕРАТУРИ и чести продори на топлотни бранови од Африка кој ќе условуваат температури до околу, па дури и над 40 степени и тоа во најтоплите предели. Многу топло ќе биде и во останатите предели од Македонија, а повремено може да се очекуваат и ВРЕМЕНСКИ НЕПОГОДИ (интензивен пороен дожд, можност за локални поплавувања, електрични празнења, силен ветер и појава на град), како и повремени озвежувања на времето, вели метео прогнозерот Славчо Попоски.
