Емина Јаховиќ беше гостинка на концертот на Наташа Беквалац во белградската „Штарк арена“, каде со својата колешка ги изведоа двата заеднички дуета.
По спектаклот, Емина зборувала за автобиографијата која ја објави нејзиниот поранешен сопруг Мустафа Сандал. Јаховиќ објаснила што пишувал за неа нејзиниот поранешен сопруг.
– Мустафа напиша книга и таа веќе се продава. Се спомнувам и јас нешто во неа… Зборувал за тоа како јас сум добра мајка, дека сум била добра жена, дека сум добар човек, што е добро да го слушнеш тоа од поранешниот сопруг – обично поранешните партнери знаат да „пукаат“ по жените (се смее). Мустафа постојано ме споменува, како и јас него – рекла Емина за емисијата „Ексклузивно“.
