Водата и понатаму е најдобар сојузник на организмот кога станува збор за хидратација, но многумина ќе признаат дека по неколку чаши дневно може да стане прилично еднолична. Затоа не изненадува што сè повеќе луѓе посегнуваат по други, можеби и помалку здрави алтернативи. Сепак, за да имате корист за дигестијата, метаболизмот и општото здравје, ви ги предлагаме следните додатоци:
Лимон или лимета
Високата количина на витамин Ц што се наоѓа во лимонот и во лиметата помага во создавање дигестивни ензими. Можете да ги исцедите во вода или едноставно да додадете тенки парчиња. Освен што помагаат при дигестија, го поттикнуваат и слабеењето, го освежуваат здивот и спречуваат појава на бубрежни камења…
Јаболков оцет
Додавање 2–3 лажички оцет во вода може да ги отстрани токсините од телото, да ја подобри дигестијата и да го поттикне метаболизмот. Тоа исто така може да помогне во балансирање на pH вредноста во организмот.
Некои од придобивките на јаболковиот оцет вклучуваат и:
Намалување на нивото на инсулин по јадење
Намалување на нивото на шеќер во крвта
Понизок холестерол
Подобрување кај синдром на полицистични јајници
Намалување на стрии
Свежи листови нане
Листовите од нане можат да го подобрат протокот на жолчка и функцијата на плунковните жлезди, а помагаат и при грчеви.
Краставици
Не само што содржат антиоксиданси и влакна, туку и ја поттикнуваат продукцијата на инсулин во панкреасот. Додадете половина тенка краставица во чаша вода.
Цимет
Циметот драстично ги намалува непријатните симптоми кај синдром на иритабилно црево, а особено помага при надуеност. Ја стимулира дигестијата и помага во лекување бактериски инфекции. Исто така е одличен лек при грчеви.
Парче стапче цимет ставете во вода и оставете кратко да отстои за да ја ароматизира.
Ѓумбир
Тој ќе ги ублажи грчевите, гасовите, надуеноста и дигестивните тегоби. Исечете свеж ѓумбир на мали парчиња, ставете го во вода и оставете го да отстои преку ноќ. Така водата ќе ги апсорбира хранливите материи.
