Сите фанови на Били Ајлиш знаат дека таа е луда за Џастин Бибер, а сега стана јасно дека и таа на нему, во најмала рака му е многу драга. Бибер во интервју за Apple’s Music се расплака кога зборуваше за својата млада колешка. Сака да ја заштити, вели тој, бидејќи и на него му бил многу тешко кога на истите години влегол во музичката индустрија.
„Нека работи по свое. Доколку некогаш и требам, ќе бидам тука за неа“, рече Бибер, а потоа се расплака.
„Сакам да ја заштитам, не сакам да се изгуби. Не сакам да помине низ истото што и јас, не сакам никој да пројде низ истото. Доколку ѝ требам, оддалечен сум само со еден повик“, рекол пејачот.
Били никогаш не криела дека е голема обожавателка на канадскиот пејач. Неколку пати е забележана како носи маица со негово име, а постерот од пејачот се уште стои во нејзината соба. Поп-сензацијата оваа година ја започна со освојување на 5 Греми награди, настапот на Оскарите и изведба на насловната песна за новиот филм на Џејмс Бонд, иако има само 18 години.
