Српската фолк пејачка Светлана Цеца Ражнатовиќ на Денот на жената, 8 март, ја продолжи турнејата и одржа спектакуларен концерт во Аранѓеловац пред преполната спортска сала.
Своите хитови ги отпеа заедно со 2.000 луѓе, меѓу кои и „Цветак зановетак“, песна која не ја изведувала на концерти точно 30 години.
Концертот бил многу динамичен, но и емотивен, а таа неколкупати го прекинувала.
Цеца во еден момент ги прозвала мажите од Аранѓеловац, на шега нарекувајќи ги „швалери“.
– Ало момчиња, многу сме добри… жените се смеат, а вие молчите, нели? Па има ли тука швалери, да ве слушнам? Девојки, дали има тука швалери, да ве слушнам? Во име на… – извикала Цеца, а потоа оркестарот засвирал, а таа ја извела една од своите најпознати песни „Пази с киме спаваш“.
Цеца со громогласни звуци и скандирања од публиката, ги извела некои од своите најголеми хитови, а публиката, особено жените, ги пеела стиховите.
Цеца блеснала во светкав и гламурозен стајлинг од штрас составен од панталони и палто, а одоздола носела корсет кој го истакнал нејзиното деколте.
