Кралот Чарлс III од Велика Британија побарал од надбискупот Џастин Велби да стане посредник меѓу принцовите Хари и Вилијам, за на крунисувањето да дојде најмладиот син и неговата сопруга Меган Маркл, пренесува Дејли меил, повикувајќи се на извори од Бакингемската палата.
Според Дејли меил, Чарлс III би сакал војводите од Сасекс да бидат присутни на неговото крунисување, но оваа идеја воопшто не е поддржана од принцот Вилијам.
Најстариот син на кралот се плаши дека неговиот брат може да „исфрли“ нешто што ќе го оттргне вниманието на јавноста од главниот настан.
View this post on Instagram
Чарлс III, сепак, е подготвен да направи отстапки. Тој е убеден дека отсуството на војводите од Сасекс ќе предизвика уште повеќе озборувања. Еден од изворите вели дека на принцот Хари можеби ќе му биде ветено дека нема да му бидат одземени титулите, а исто така ќе му биде понудено место кое одговара на неговиот висок статус на церемонијата за тој сепак да дојде.
„Останува клучното прашање дали Хари ќе присуствува, и ако е така, под кои услови“, резимира инсајдерот, додавајќи дека принцот, очигледно, ќе го одложи одговорот до последен момент, што ги отежнува преговорите.
View this post on Instagram
Претходно беше објавено дека принцот Хари бил исклучен од сценариото за крунисувањето на Чарлс III, што ќе се одржи на 6 мај во Вестминстерската опатија.
